搜尋結果
7月23號，俞宗怡、苗學禮、王永平等34位前高官同公職人員聯署聲明，要求政府立即撤回《逃犯條例》修訂，同埋引用香港法例第86章《調查委員會條例》，成立「獨立調查委員會」，調查範圍建議包括政府「暫緩」但唔「撤回」修例嘅手法恰唔恰當、警方同 [4]
葵涌邨大爆疫[1][2]，又叫 葵涌邨疫情爆發 、 葵涌邨群組，係指喺 武漢肺炎香港疫情 入面，喺2022年1月中旬喺 新界 葵涌 葵涌邨 嘅播 武漢肺炎 Omicron變種病毒 嘅社區爆發。. 源頭估計係一個女人喺 海景絲麗酒店 檢疫期間感染到病毒，佢返屋企後感染咗屋企人同 ...
爆眼少女案 係2019年香港 反逃犯條例修訂運動 期間一單槍擊案，令獨眼 紗布 成為咗香港抗爭運動嘅象徵之一 [1]。. 喺 8月11號示威活動 嗰晚，有位做緊義務救護員 [2][3][4] 嘅少女（傳媒稱為「K」、「少女K」或者「K小姐」） [5] 喺 彌敦道 近 尖沙嘴警署 度嘅衝突 ...
12月15號晚，大批記者喺旺角採訪警民衝突期間遭防暴警察無理驅趕，有記者面部遭直噴胡椒噴霧同俾警棍打，事後更被拘捕，亦有學生記者被催淚彈中面。
- 背景
- 預告
- 過程
- 後續事件
- 文化影響
- 睇埋
2019年6月，香港反逃犯條例修訂運動大規模爆發，及後演變成爭取民主同埋要求政治改革嘅長期示威運動。隨住示威一路持續，喺中共嘅授意下，反對示威群眾嘅聲浪開始彈起，親共派同政府嘅支持者表態支持警察同對抗班示威者。 根據《壹週刊》嘅料，話北京政府落柯打要用暴力「懲戒」反修例嘅示威者，仲想製造啲白色恐怖事件出嚟，令到維持咗兩個月嘅反修例抗爭停止，有親共產黨嘅人接咗呢單柯打，夾埋班新界鄉紳同兩個本地嘅黑社會發動呢一次襲擊，仲想借呢次行動能喺土共陣營中提高地位，甚至成為政府高官。加上中聯辦有部長曾落柯打要元朗班鄉紳趕走示威者，俾人懷疑係煽動或動員元朗恐襲。針對住呢單嘢，有媒體嘅評論話呢啲用利用惡棍恐嚇平民嘅行為，係唔少威權政府嘅慣用手段。
7月11號喺十八鄉鄉事委員會嘅就職典禮入面，香港中聯辦新界工作部部長李薊貽出席鄉議局聚會嗰陣，曾經講明要元朗「鄉事勢力」趕走班示威者，仲講咗啲懷疑係煽動嘅言論：「愛國愛港的村民不要讓暴徒進入元朗搞事」，「進來就一定要趕他們走」。襲擊發生完之後，李薊貽呢段嘢就比俾外界質疑係中聯辦撥火或叫人嚟元朗進行恐怖襲擊。7月23日，李薊貽喺去完一場公開活動後，比記者追問嗰陣一直笑笑口唔講嘢，對自己係咪同煽動元朗恐襲事件關事嘅問題乜都無講。 7月15號，立法會議員何君堯喺社交媒體直播講到，「前日嘅上水，尋日嘅沙田，而家又話嚟元朗搞事，元朗就歡迎佢哋。嚟到會點呢？會招呼佢哋。佢哋嚟得越多人，你哋（元朗六鄉）手腳就要再快啲，將佢哋殺到片甲不留。」佢喺單嘢就嚟一年後，就搬龍門話自己只係「吹水」，仲話「每個人都有情...
日間嘅聚集
網上流傳白衣人朝早喺元朗區西北部嘅廈村鄉錫降圍對出嘅停車場聚埋，部分件衫印左「廈溪會」嘅標誌，標誌同「廈村鄉事委員會」標誌好似。當日晏晝，有成200個白衣人喺南邊圍聚埋一堆。到2020年7月，《鏗鏘集》記者走去問廈溪會主席兼廈村鄉嘅村長鄧錦輝，佢唔認廈溪會同白衣人有關係，仲話自己嘅認得片裏面嘅白衣人。而記者喺區議會上追住廈村鄉鄉事委員會主席鄧勵東嚟問，佢覺得傳媒講咩都唔重要，仲反問返「唔可以係冒認？唔俾人係插贓？」。 親建制Facebook專頁「聲討教協」喺7月21號晏晝放咗段片同張相上網，顯示好多着白色衫嘅人喺元朗一間酒樓開餐，話「元朗六鄉已經準備好」、「備戰中」，仲講到已準備咗好多藤條「教仔」。而喺同一晚，片裏面嘅白衫人士就喺元朗市區聚集，揸住標語、中華人民共和國國旗同埋香港特別行政區區旗，仲不斷嗌出「保衛元朗、保衛家園」呢啲口號。短片仲用到「元朗的風采，鼓掌」嚟形容。 元朗鳳翔區區議員麥業成喺7月21號朝早，就知當晚元朗可能會有暴力襲擊，仲就呢單嘢報定警，警方聲稱已經做咗部署。
入黑之後
黃昏6點左右，即襲擊事件發生前兩粒鐘左右，網上就有料流出，話元朗鄉事派吹雞，叫咗好多人着住白衫、手綁住紅色繩做識別，部分人仲揸住「保衛元朗」、「保衛家園」呢啲標語，亦有揸住特區區旗嘅人，追住喺元朗着黑衣、戴口罩、同喺示威後想返屋企嘅市民嚟打。喺夜晚6點36分，白衣人就開始喺雞地鳳攸北街一帶聚埋，有車輛車班白衣人嚟現場同埋派口罩。 同一時間，示威者噴黑咗中聯辦門外嘅中華人民共和國國徽。到10點至11點左右，香港警方喺清場行動中向喺上環嘅示威者掟催淚彈同開咗最少36槍，而佢哋亦唔同以往喺當晚或第二日就交代返用咗幾多武器同埋受傷人數呢個做法，反而隔咗兩日後都無講到喺7月21號夜晚喺上環向無揸武器嘅示威者，開咗咩類型嘅彈藥同開咗幾多槍，同埋有幾多人傷呢啲資料。
激進親中派被指煽動同早知事件
除咗石鏡泉同中聯辦李薊貽之外，後來有網民揭發，激進親中派聲討教協嘅Facebook喺事件之前，21號下晝1至2點左右，已經出過一個Post，寫住「元朗六鄉已準備好。元朗酒樓、茶客全白衫、備戰中。元朗準備大量滕（藤）條教仔」，同後來喺元朗站發生嘅事吻合。 去到事件兩週年，立場新聞聯同港大新聞及傳媒中心用媒體數據庫搜尋庫搜尋包括連登、高登、FB、IG、微博等社交平台，發現最早宣傳「光復元朗」行動嘅，係一名名為「風中微塵」由警嫂（男性警察嘅老婆）經營嘅微博帳號發佈，真人曾經接受新華社訪問。有關帖文發佈後唔夠30分鐘，已經喺Facebook嘅建制派公開群組（包括「保衛香港運動」）出現；反而喺被視為偏民主派嘅連登等平台，就多次澄清話無呢個活動，亦證明有啲人話係黃絲（民主派支持者）叫人入元朗搞事嘅說法，其實係假新聞。而Telegram頻道亦指元朗集會屬「假消息」。不過監警會報告就指連登討論區用呢幅圖呼籲人參加元朗集會。另外，激進親中組織珍惜群組召集人李璧而，後嚟亦被揭發曾經喺元朗帶頭同白衣人遊行。
無綫新聞被指嘗試誤導觀眾
有人比較咗ViuTV、香港開電視、香港電台同埋無綫新聞三者報道事件嘅處理手法，提到另外三間媒體都係用順敘式嘅方式報道事件，但係偏偏無線新聞就用倒敘方式呈現事件，加上若干剪接技巧，嘗試傳遞黑衣人（反修例示威人士）先撩者賤自作自受」嘅訊息。
受害者遇襲反被捕
2020年8月26號，差佬拖咗一年零一個月先至有行動，卻係先以「參與暴動」嘅控罪拉咗七二一事件嘅受害者林卓廷。而喺拘捕當日下晝差人又開記招，出席嘅新界北陳天柱警司話七二一事件係「幫派衝突」，民主派批評警方做法係「指鹿為馬、顛倒是非、本末倒置、黑白不分」，亦有記者批評陳天柱喺回答記者問題嘅時候答非所問。
以「元朗國」作揶揄
「元朗國」係一個對香港元朗區嘅揶揄戲稱。部分人認為元朗被鄉事派同黑社會長期把持，加上喺七二一元朗襲擊入面，警方被指放任鄉黑勢力襲擊市民，喺市民報警後39分鐘先到場，所以開始有呢個揶揄嘅說法。甚至有人惡搞設計出元朗國護照，話申請嘅話可以問十八鄉（涉及襲擊事件嘅鄉事派）、何君堯（被指同施襲者關係密切）或警察。呢個說法亦被一啲旅遊Blogger、食評網站或者一啲唔涉及政治議題嘅新聞報道所用。
中大學生會用咗「暴大」做題材，喺2019年9月中製作咗三款T裇，分別寫住「暴大抗爭」、「光復香港，時代革命」、「沒有暴大，只有暴政」嘅口號 [9]。
呢個口號係譴責香港警察濫用咗過份嘅暴力去對待示威者。 七二一元朗襲擊 後，呢個口號亦譴責埋香港警察涉嫌包庇黑社會勢力。 「 黑社會 」
