Yahoo奇摩 網頁搜尋

  1. 阿歷山德·麥琨 - 維基百科

    gan.wikipedia.org/wiki/阿歷山德·麥琨
    • 早年
    • 工作經歷
    • 個人生活
    • 過身
    • 外部鏈接

    1969年麥琨出生嘚倫敦嗰Lewisham,係蘇格蘭的士司機Ronald同得社會科學教師Joyce嗰崽,佢係屋裡六隻細伢子裡頭最細嗰。佢到倫敦Stratford嗰一棟政府高層公屋(council flat)裡頭長大。佢細大哩就幫得佢三隻姊妹做衣裳,哈立志成為時裝設計師。 麥琨進入Rokeby School學習,等1985年佢16歲嗰時間離開學堂,藝術搦得「一般水平」(O-level,Ordinary Level)。接得佢到Savile Row街嗰Anderson & Sheppard裁縫舖裡頭做學徒,末後麥琨先後到Gieves & Hawkes、戲劇服裝品牌Angels and Bermans底下做事。佢學徒生涯裡頭學到嗰技術幫得佢到時裝世界樹立正一隻剪裁得當嗰名聲。

    麥琨到Savile Row做學徒嗰時間,客戶群就有Mikhail Gorbachev、Prince Charles。一次訪談中,麥琨話佢到幫查爾斯王子做嗰夾克嗰內裡上頭禶過「我係隻屄」(I am a cunt)嗰字樣。20歲嗰時間,麥琨到立野浩二(Koji Tatsuno)手上做哩段時間,末後到意大利嗰米蘭旅遊,同得到Romeo Gigli手上做事。 1994年,麥琨返還倫敦,拕Central Saint Martins College of Art and Design聘請做式樣剪裁助教。佢嗰作品選完成得非常來事,故係拕碩士課程帶頭人𠱽得讀碩。搦得時裝設計嗰碩士文憑之後,佢嗰畢業選集也拕時裝設計師Isabella Blow完個買下,聽話佢也係建議麥琨搦Alexander(而不係Lee)做未來嗰個人品牌名嗰人。 1997年,冰島歌手Björk請麥琨設計佢嗰Homogenic專輯嗰封面。麥琨也幫得佢指導哩箇盤專輯嗰Alarm Call嗰音樂錄影帶。 麥琨嗰早先嗰時裝展係以爭議、驚人手法出名嗰,故係幫佢賺得「驁烈崽」或「狼犺崽」(Enfant terrible)同得「英國時裝嗰羅漢」(the hooligan of English fashion)嗰花名,好似佢設計嗰一款低腰褲拕叫做「兜得屁督嗰」(bumsters)、一隻系列設計拕叫做「高地強姦」(Highland Rape)。末後,麥琨嗰展覽轉為大出手、反常規嗰風格,好似2003年嗰春季系列佢現做一隻沉督嗰船、2005年嗰春季系列嗰人體棋盤、2006年嗰秋季系列嗰「丘羅登嗰寡婦」佢舞隻人樣大嗰Kate Moss嗰全息圖。 麥琨嗰bumsters褲仰上舞得低腰牛仔褲拕作興起來,起頭嗰時間哈係惹得滴子非議。Blow公關公司嗰經理、麥琨嗰朋友Michael Oliveira-Salac話「對我來話,bumsters褲就係麥琨啷定義嗰」。麥琨也因得佢嗰設計裡頭應用骷髏變得出名。箇款設計風格嗰絲巾變得係每隻名人必備嗰,全世界也堪垃哩拕複製。 麥琨嗰展覽時常引進滴子戲劇、奢華嗰元素。佢搦新技術、創新去轉變佢嗰展覽,不間界都會嚇到、著到觀眾。佢嗰設計都拕認為係時裝界嗰奇幻、叛逆嗰潮流。麥琨也係倫敦頭隻聘用印度人做模特嗰設計師。

    麥琨係同性戀者,佢六歲嗰時間就警覺到自簡嗰性向哩。佢等得18歲嗰時間跟得屋裡坦白,起頭有滴子艱難,後背佢屋裡也接受箇場事嘍。談嘚佢許年青出櫃嗰時間,麥琨就話「我相信我自簡同得我嗰性向,我冇什哩弆得。我從我娘嗰子宮一徑行進同性戀隊伍裡頭。」 2000年嗰熱天,麥琨到西班牙各Ibiza嗰一隻遊艇上頭非正式嗰同得記錄片製作人George Forsyth結婚。佢俚一年之後就斷吥嘍,末後都係噱貨嗰朋友。 麥琨係隻老到嗰水肺潛水員,箇隻興趣也係佢嗰設計嗰靈感來源之一,好似佢2010年春季嗰「柏拉圖嗰阿特蘭蒂斯」(Plato's Atlantis)。大部分時間佢都係到馬爾代夫潛水。

    2010年2月11號,麥琨拕宣告過世。佢嗰屍身係許日早上,拕佢嗰眏屋人到佢倫敦Green街嗰屋裡嗰衣幮裡頭尋到嗰。醫務人員仰上拕叫來,佢俚當場就宣佈哩死亡。 麥琨就死嘚佢娘Joyce過身嗰九日之後,也死嘚倫敦時裝週嗰幾日之前,但日程表上也冇佢嗰展覽。 2010年2月3號,麥琨到佢Twitter嗰個人頁上頭話佢娘頭幾日嗰時間過身哩,佢哈話「姆媽…,安息!」(RIP mumxxxxxxxxxxxxxxxxxxxxxxxxxxx)四日之後佢又話佢箇隻禮拜「貓傷嘍」(awful we),「朋友都滿好嗰」(friends have been great),「箇下我要搦自簡斢起來滴子。」(now i have to some how pull myself together) 麥琨死之後留得張條子,內容冇拕公開。倫敦嗰首都警察話佢嗰死冇什哩疑點,但冇確定是否係自殺。2010年2月17號,威斯敏市嗰屍檢官發現麥琨嗰死係源自窒息同得吊頸。驗屍程序拕推晏到2010年4月28號。 2010年2月18號,Gucci集團嗰董事長兼執行官Robert Polet話,即使品牌嗰創始人兼創作總監過世哩,麥琨嗰生意按樣會接得做下去。 2010年2月25號,麥琨嗰葬禮到西倫敦Knightsbridge街嗰St Paul教堂舉行。 2010年4月28號,驗屍工作結束,報告表明佢過身之前喫哩可卡因、鎮定劑同得安眠藥。

    • Lee Alexander McQueen, 1969年3月17號, Lewisham,倫敦
    • 2010年2月11號, Mayfair,倫敦
    • 英國
    • Mayfair,倫敦
  2. 其他人也搜尋了