Yahoo奇摩 網頁搜尋

  1. 三苗 - 維基百科

    gan.wikipedia.org/wiki/三苗

    三苗係江西人嗰一支先人,佢俚生活到3000喇年前嗰贛 鄱流域,憑得贛內嗰山川之險、水路之便,聚集四方百族,建正一隻負陸面誨、勢力廣被、聲威遠播嗰酋邦王國。 佢同許時間嗰華夏人、東夷人形成三足鼎立嗰場面。

  2. 人名 - 維基百科

    gan.wikipedia.org/wiki/人名
    • 概論
    • 結構、使用
    • 江西嗰人名文化、歷史、制度
    • 人名嗰文化
    • 外部鏈接
    • 參考文獻

    漢字文化圈裡頭嗰「姓」同到「氏」,先頭不係同一隻概念,但今下都拕混同嘍。 用嘚人名嗰時間都係兩隻人相互碰頭、交流嗰場化,一隻人對另一隻人打招呼咁叫嗰時間嗰場合語言。戶口登記正後,一隻人的正式嗰名字(本名)就舞正嘍。但係,特定嗰場化哈可以用滴子綽號、敬稱、慣名。先頭,一隻人嗰名字都同佢嗰精神人格連嘚一起,特定嗰場化會有禁話本名嗰傳統,像「避諱」、「謚號」咁滴子文化習慣。箇下子,箇滴子傳統基本上都淡化、掟吥嘍。 名字係一隻人個人嗰主要屬性嗰表現形式,係佢用聲氣對自簡嗰嗰記載。有滴子時間,一隻人格名字能用得正外國嗰文字表示,但箇都只係佢名字嗰一種附從表示。 一隻嗰名字嗰讀法會有不同嗰方式。發音嗰變化基本都係屬於容許嗰範圍裡頭。像「黃平」嗰發音可以係[uong piang]、[uong pin]、[fong piang]、[fong pin]。箇裡頭[uong piang]係最道地嗰話法。但有滴子名字嗰發音就蠻難用佢嗰白讀音,像「郭富城」,大多時間都係都[kok fu cin],不係[kok fu sang]。 一隻人同佢嗰名字係息息相關嗰。史前時代嗰人就跟自簡開始取名字嘍。中國嗰周朝以降、家族嗰「姓」、「氏」制度最終確立。古希臘嗰氏族、家族都有自簡嗰姓氏傳統。近代社會之前,世界各地嗰細伢子時常都冇自簡嗰名字。但到1989年,聯合國大會頒布兒童嗰權利嗰條約,裡頭嗰第7條第1項話「細伢子等出生嗰時間要直接登記佢嗰名字」、「細伢子,生下來就擁有有自家名字嗰權利」(shall have the right from birth to a name)。

    大部分嗰亞洲國家、同到蠻多嗰非洲國家跟歐洲嗰匈牙利,一隻人嗰「名」(given name)都係位到「姓」(family name)嗰後頭,箇就跟大部分嗰西方國家相反。拿箇時間嗰一隻名字比較,像「李豆羅」,佢嗰名字就係「李」(家族名)+「豆羅」(個人名)組合正嗰。

    江西嗰人名文化

    1. 詳細嗰內容請參照 江西嗰大姓 人名係一隻人嗰個人符號標誌,係隻超越時空嗰文化現象。每隻人名都係追述得正早以箇隻人嗰先祖嗰歷史符號。江西地處江南,上古史考證非常艱難。公元前一世紀,西漢到江西設置豫章郡,漢人咁開始遷入贛鄱大地。「漢姓」也就同時間拕引進。 《後漢書》、《三國志》登錄30喇隻江西人,《晉書》同到南朝四國史攏共錄到50喇隻人,佢俚都有介紹江西嗰本地豪門煬族,記載嗰地域也遍及贛北、贛南。《隋書·經籍志》錄入到江西嗰四部姓譜,佢俚係9卷《洪州諸姓譜》、8卷《吉州諸姓譜》、11卷《江州諸姓譜》、8卷《袁州諸姓譜》,箇都占到全志姓譜嗰一半。但各四部江西嗰早期姓氏文獻到元代嗰時間全拕跌吥嘍,佢俚嗰內容也就冇人曉得嘍。 先頭敦煌拕尋到過3份有關江西嗰唐代姓氏文書,像《新集天下姓望氏族譜》,裡頭列舉江西洪、饒、江、袁、虔五州嗰26隻姓望,時間跨度從東晉一徑到唐朝。末後唐、宋時期嗰林寶嗰《元和姓篆》、鄭樵嗰《通志·氏族略》、鄧名世嗰《古今姓氏書辨證》都介紹到江西嗰姓氏文化。宋朝以降嗰大姓類書,像《太平御覽》、《冊府元龜》、《文苑英華》都述及贛姓,歷史文人嗰筆記文集也都係江西嗰人名文...

    江西嗰人名歷史

    梁洪生嗰《唐以前江西地方姓望考》(《歷史地理》第10輯)話明樓唐代之前江西由「四姓衣冠」發展到三十喇隻姓望嗰完個過程。 江西嗰晉代望姓陶氏,佢搦家族名人陶侃同到陶潛列做唐代之前尋陽郡江州嗰兩隻世家大族(陶、翟),哈話陶潛嗰老婆翟氏也係箇隻大姓嗰後人。末后去哈引用《古今姓氏書辨證》,裡頭話:「陶姓……世望出丹陽。晉太尉侃之祖父同,同生丹,吳揚武將軍,柴桑侯,遂居其地。生侃……逸生彭澤令,贈光祿大夫潛……」。佢接得引用敦煌嗰唐寫本姓望氏族譜殘卷,裡頭話「尋陽郡之陶翟二姓」。 正史文獻裡頭記錄嗰第一隻江西人嗰名字係吳芮(?-前203年)。吳姓也係許時間江西、江蘇、安徽箇滴地方嗰大姓。末後姓吳嗰江西人哈有三國嗰吳遽、晉代嗰吳猛、吳應等。上猶有隻摩崖石刻,上頭寫嗰款識係「虞去虍」,咁就係暗話「吳」,箇都係今下江西年代最早嗰石刻題記。宋朝江西嗰吳姓係許時間最多嗰,占得宋朝吳姓總人口嗰13%,江西總人口嗰2.8%,係當時吳姓人口嗰聚集地。明朝時間,江西嗰吳姓人口增加到總人口嗰14.8%。今下佢係江西嗰第7大姓。 考古發現裡頭尋到西漢嗰兩隻古墓。一隻係宜春嗰白泥山古墓,裡頭嗰套棺底板有有「黃母」...

    江西嗰宗族

    「義門」係話江西本地嗰大家族。佢俚嗰家族人口眾多、廣有田產、家法嚴明,典型嗰像德安嗰陳氏一族。胡旦嗰《義門記》話佢屋裡到公元1000年嗰時間,全家有2478隻人,每年秋糧租米有4000多斛,光係搦到家族私有嗰東佳書院嗰田就搦嘍20頃。德安陳氏由唐·僖宗皇帝以降,一徑受歷代朝廷嗰封賞同到嘉獎。南唐「敕賜義門陳氏」,「蠲其沿徵科役」。公元890年,陳崇頒布《義門家法三十三條》,規整家族嗰門風。宋·太宗皇帝免吥陳氏一族「本戶沿徵雜配」,哈「令歲貸官米二千石」。真宗皇帝賜聯,話陳氏屋裡「萃居三千口人間第一,合爨四百年天下無雙」。末後仁宗皇帝哈賜匾「忠孝世家」,極盡哀榮。 末後宋皇怫陳氏家族會做威一方,到公元1062年7月初三,江南西路轉運使謝景初帶人奉旨拆分陳氏一族。第年3月議定方案,揸得禦賜嗰「知守宗希,公汝才思,彥承延繼」12隻派行分析做291隻莊園。箇291隻陳氏,末後移居中國各地,故係箇下好多陳姓祖祠哈掛得「義門世家」嗰牌匾,咁也就係「天下陳氏出義門」嗰話法嗰由來。1212年2月14號,家族裡頭嗰進士陳炎上書話:「自建炎以來,高祖至炎及孫,委實七代同居,有一百餘口,自幼至長,不蓄...

    趙C,江西鷹潭人,1986年生人。
    八曼·賓·蘇迫曼(Batman Bin Suparman),新加坡人,1990年生人。
    尤寧·肯達·伊西·艾特·斯迫薛·克(Urhines Kendall Icy Eight Special K),2003年生人。
    葛登白拉斯朵特感·室弗曼(GoldenPalaceDotCom Silverman),2005年生人。係家網上賭場GoldenPalace.com搦15199美金到特麗·伊利簡(Terri Iligan),讓佢改嗰名。

    歐洲

    俄羅斯嗰人名 1. 俄羅斯嗰人名字典 2. 俄羅斯細伢子嗰名字 愛爾蘭嗰人名 1. 愛爾蘭人名嗰來源 2. 尋下愛爾蘭人名嗰意思 3. 愛爾蘭人名嗰來源、意思、傳說全覽表 意大利嗰人名 1. 意大利嗰「男-女」人名一覽 2. 尋下一隻意大利人名嗰分布 法國嗰人名 1. 法國民法典 2. 法國嗰人名一覽 西班牙嗰人名 1. 西班牙語名字嗰資料 2. 西班牙細伢子嗰名字 3. 2006年1月1號嗰人名數據 4. 西班牙人名到各省嗰分布情況 葡萄牙嗰人名 1. 法律認可嗰葡萄牙語名字 德國嗰人名 1. 德國嗰人名一覽 荷蘭嗰人名 1. 荷蘭嗰「姓」嗰數據庫 2. 荷蘭嗰「名」嗰數據庫 3. 荷蘭嗰常用人名

    梁洪生,《考古資料中的唐以前江西姓氏考察》,1991年,《江西文物》第2期
    張義達、張誠,《中國姓氏》,2002年,ISBN 7-5617-2769-0
    王泉根,《中國姓氏的文化解析》,1999年,ISBN 7-80130-331-8
    松本脩作、大岩川嫩,《第三世界の姓名 人の名前と文化》,1994年,ISBN 4-7503-0579-0
  3. 談詑:朱權 - 維基百科

    gan.wikipedia.org/wiki/談詑:朱權

    箇頁頂晏嗰改動係:2009年1月18日 (禮拜天) 01:40。 箇首嗰所有文字係揸得Creative Commons Attribution-ShareAlike 牌照嗰條款發佈;可能會有附加嗰條款。 望吖使用條款嗰細節。 隱私權政策 關於 維基百科 免責聲明 手機版檢視 開發人員 統計 Cookie 聲明

  4. 宋應星 - 維基百科

    gan.wikipedia.org/wiki/宋應星
    • 祖望生平
    • 著作一覽
    • 思想傳播
    • 參考資料

    家世

    1. 詳細嗰內容請參照 宋應星家族 揸得八修《宋氏宗譜》嗰《江西奉新世系考略》裡頭話嗰,宋應星屋裡最早嗰先祖係漢朝嗰九江太守宋均。隋唐嗰時間,後世宋釗開始搬家到新吳(奉新)住。但到嘍宋朝,宋應星嗰十世先祖宋瓚入贅熊氏人屋裡,故係改姓做「熊」,箇也係江西嗰大姓之一。末後佢嗰崽熊定五為到躲避戰亂,搦佢老婆嗰姓——「宋」做自簡嗰姓,但箇隻「宋」算不得係宋家人屋裡本身嗰祖姓。八修《宋氏宗譜》裡頭對箇場事係𠵹話嗰:「吾族自元以前本熊姓,二世祖定五公為劍江驛宰,娶於豐城宋氏,解組歸。值元明鼎革之際,初避兵亂,嗣畏國(明)威,遂承宋氏姓。元孔公舊譜著之甚詳。」之後,宋家人屋裡搬到奉新東首個雅溪(今下嗰潦水)岸舷,以經營田產過生。 宋應星老屋嗰村盤子上先頭都留得「三代尚書第」、「方伯第」、「世進士第」同得「世科坊」箇滴子大型牌坊(文革嗰時間拕毀吥嘍),箇也顯示佢屋裡早以嗰榮光。「三代尚書第」牌坊係為到宋應星嗰太公宋景做嗰,宋景嗰爺宋迪嘉、公公宋宇昂也蔭封到箇隻官階。「方伯第」係為到宋應星嗰族叔宋國華做嗰,佢擔任過貴州左布政使。「世進士第」係為到宋應星嗰宋國華,同得佢嗰崽孫宋應和、宋一貞做嗰,佢...

    宋應星一生都非常作興科技、文學、藝術、歷史、語文、經濟、哲學箇滴子領域嗰知識,平常也歡喜音樂、書法、圍棋、騎馬、游泳。佢有箇闊嗰興趣愛好,故係佢一生筆耕不錯,著述頗豐。而且佢成熟速度風快,箇多係因為佢平生大量遊歷,經驗豐富舞得。 下頭係宋應星嗰生平著作: 1. 自然科技: 1.1. 《天工開物》(傳世) 1.2. 《觀象》(遺失) 1.3. 《樂律》(遺失) 1.4. 《厄言十種》 (遺失,佢嗰《論氣》、《談天》得傳世 ) 2. 詩作: 2.1. 《思憐詩》(傳世,十首「思美」詩、四十二首「怜愚」詩 ) 3. 政論集: 3.1. 《野議》(傳世) 3.2. 《原耗》(遺失) 4. 歷史學: 4.1. 《春秋戎狄解》(遺失) 5. 文學: 5.1. 《美利箋》(遺失) 6. 音韻學 6.1. 《畫音歸正》(遺失) 7. 雜文集: 7.1. 《雜色文》(遺失)

    當代

    1964年,德國嗰柏林洪堡大學嗰學者第羅(Thomas Thilo)搦《天工開物》嗰頭四章翻譯成德文,寫正佢嗰博士論文《宋應星寫個〈天工開物〉嗰頭四章論農藝同到農產品嗰進一步加工》(Die Dapitel I bis IV-Ackerbau und Weiterbearbeitung der Acebauproduked des Tian-gong Kai- wu von Song Ying-Xing)。1967年,第羅接得發表《宋應星論中國農業嗰經營》 (Song Ying-xing uberchinesische andwirtschaft)。箇都係當代外國學術界對宋應星嗰學術思想研究嗰新嗰開端。

    潘吉星,《宋應星評傳》,南京大學出版社,1990年,ISBN 7-305-00850-8
    邱恆聰,《鵑花緣:宋應星之路——江西籍歷史名人傳記系列》,江西人民出版社,2003年
    聶冷,《宋應星》,新華出版社,2003年,ISBN 750116203X
    劉林,《宋應星和〈天工開物〉》,科學普及出版社,1987年,ISBN 7-110-00398-1
  5. 議會 (江西) - 維基百科

    gan.wikipedia.org/wiki/江西議會

    江西嗰議會係公元1912年2月1號由江西諮議局改組過來嗰,末後佢一徑係江西嗰最高嗰立法機構。到1924年嗰北伐戰爭期間,江西拕外部政治、軍事力量控制,江西議會就最終失吥佢嗰政治權力。

  6. 利瑪竇住嘚南昌嗰經歷 - 維基百科

    gan.wikipedia.org/wiki/利瑪竇住嘚南昌嗰經歷
    • 背景
    • 行程經歷
    • 思想傳播
    • 著述
    • 參考資料

    明朝嗰末期,歐洲嗰一幫子耶穌會嗰教士前後來亞洲宣傳宗教,利瑪竇係佢俚中間蠻出名嗰一隻。1582年,佢抵達澳門,末後到廣東嗰肇慶、韶州住定。1595年,利瑪竇尋到隻借口,話要去南京幫兵部侍郎石星嗰崽整病,但冇贏得南京陪得佢嗰官員嗰賞識,佢就申請來南昌居留,箇也拕批准嘍。 佢跟得石星一行北上,離開廣東韶州,翻過梅嶺,進入江西嗰地界。經贛州、過吉安,抵達南昌後,接得坐船過鄱陽湖,順得長江而下,抵達南京。但南京嗰形勢容佢不下,連佢先頭認得嗰朋友工部侍郎徐大任都當面抨佢走。故係佢到公元1595年6月28號來還南昌,一徑到公元1598年6月25日離開,重赴南京,居昌時間擱擱攏攏有三年。

    萬壽宮風波

    利瑪竇頭回到南昌,起先打算到南昌城內嗰鐵柱宮投宿。鐵柱宮係供奉許真君嗰所在,香火相當嗰煬,江西各地嗰善男信女都來箇裡虔誠嗰跪拜。等利瑪竇一進鐵柱宮門,就惹來一幫看新奇嗰人,覺得佢係「因為宮內神像嗰名聲招得佢從異國遠方來嗰」。但圍觀嗰人仰上發現利瑪竇不願跪拜許真君,故係佢俚𠱽得佢揸時敬神。利瑪竇冇搭佢俚,圍觀嗰人就話不跪得許真君嗰相前係會得報應嗰。利瑪竇自簡係天主教徒,佢嗰教義係「一神派」(Monotheism,除吥基督,別嗰什哩神都不拜)。呷兩邊嗰人就挭起仗來,更假有人想搦利瑪竇扯(音[te1])到神像前頭跪到。戲得箇時間有人話外國人都係不拜偶像嗰,𠵹才搦兩方扯(音[te1])開,避免衝突。 末後,利瑪竇自簡心裡頭悔到,覺得不當進到一隻宗教場所。佢相到南昌人對本地嗰神像比廣州人就更假熱心,𠵹佢也決定,冇等佢宣傳完佢嗰教義,就不會再去鐵柱宮。利瑪竇哈話南昌人裡頭「有非常多嗰人係中國齋戒嗰嚴格遵守者」,當地嗰知識份子「缺少真正嗰信仰嗰光明,佢俚漫無目標嗰到德行嗰路上徘徊,係冇牧羊人嗰走跌吥嗰羔羊崽」。但佢也話當地嗰宗教自由嗰氛圍對佢俚傳教嗰活動有幫助。

    歸還南昌

    利瑪竇來還南昌後,一隻制臺嗰小官對狼狽嗰佢伸出幫手。佢等利瑪竇一上岸就安排正住嗰地方,讓佢住到朋友嗰幾間房子裡頭,雇轎子到碼頭接佢,請人搬佢嗰行李,進城也冇人檢查佢嗰證件。利瑪竇到南昌近郊嗰穀市街租嘍隻小屋,做為駐地。箇時間,利瑪竇自簡到心裡頭話,「就𠵹,如我所願,上帝引導得我進城嘍」,「話係起頭有滴子麻煩,末後都好轉嘍」。 觀察完南昌後,利瑪竇話許時間南昌嗰人口,不算藝人、苦力嗰話,居民分得正四類:一係府衙、省府嗰官員;二係先頭當過官嗰士大夫或箇下官員嗰親戚;三係皇親國戚,箇占得全部人口嗰四分之一或五分之一,但就兩三隻人叫做「王」;四係三所有名書院嗰秀才,人數眾多。1595年,南昌有七八隻進士,廣東全省就五六隻,𠵹江西算係中國最文明嗰省份。

    改衣換面

    利瑪竇住到廣東嗰時間,廣東人一徑叫佢「和尚」,但明朝時間和尚已經不拕人尊敬嘍,故係來到江西嗰利瑪竇改衣換面,穿起儒士嗰衣裳、蓄得連邊鬍子,佢搦𠵹嗰裝扮出現到公眾場合。佢頭回𠵹出門,係到樟樹看望一隻短住嘚許裡韶州官員。利瑪竇話:「到箇裡,我係頭回蓄鬍子出門,穿儒服拜訪官吏。……早以我個俚穿和尚衣出門,都拕人冷淡不熱情嗰招待。箇下就不樣嘍,穿得跟佢俚樣嗰衣裳,都受到長時間嗰接待,哈會設宴款待我個俚。」利瑪竇哈同人解釋做什哩佢改裝蓄鬚,佢話從職業上看,佢俚就係儒士,係教授上帝嗰宗教同嘚別嗰科學嗰人。 末後利瑪竇出門都係習慣𠵹打扮嘍,金尼閣話:「拜訪嗰時間佢都帶得兩隻身穿毛織衣裳嗰僕人,做得轎夫肩抗嗰轎子出門。箇都係習慣,就算冇幾有名嗰知識份子就係一樣嗰。事實上,忽視箇隻習慣嗰話會拕人覺得不係有學問嗰人。𠵹,儀表一旦拕看做習慣,就同佢俚做代表嗰東西合二為一嘍。」南昌嗰士大夫階層也作興利瑪竇𠵹打扮,「大家都歡喜神父嗰儀表,歡喜同佢來往,態度都係友善嗰。」

    天文

    利瑪竇住嘚南昌嗰頭年,佢「搦大部份嗰時間用到在製造天文儀器」。佢做嘍滴子日晷儀、地球儀、渾天儀,接得搦佢俚送嘚南昌嗰王室甲胄、政府官員或別嗰滴子好學嗰人。像佢搦嘍隻天球儀、一隻地球儀到建安王朱多㸅,天球儀嗰上頭標得天軌;送嘍隻對準北極嗰鐘、一隻星盤到江西巡撫陸萬垓;送嘍兩隻日晷到南昌知府王佐,一隻讓佢搦還佢嗰浙江老屋,一隻讓佢留得自簡用。佢哈教南昌嗰市民啷拼製日晷,啷用佢計時。1597年,利瑪竇搦本關於數據測量知識嗰書到南昌人看,南昌人對裡頭嗰滴子數據覺得不可思議。像佢隨手搦塊石就舞出隻日晷儀,每半隻格子做一晝夜嗰一隻時辰,攏共24格,上頭哈注明日出日沒嗰標記,箇也讓南昌人覺得驚奇。 1596年9月22號,南昌發生日食(天狗喫日頭),箇先頭利瑪竇進行嘍準確嗰預報,箇一下讓佢到南昌名聲雀起。南昌人就問利瑪竇為什哩會有日食,為什哩佢嗰預測數據跟北京嗰欽天監嗰數據有差,啷得準確嗰曉得日食嗰發生時間。𠵹利瑪竇才曉得南昌人對現代科學知識嗰瞭解冇有幾多,「佢俚對歐式鐘錶咄真係一滴都不懂,覺得地係平嗰、方嗰,天就只係氣而已。對別嗰滴子東西嗰理解也係荒謬嗰。對日食嗰解釋哈話得過去,但對月食嗰解...

    地理

    利瑪竇到南昌前,佢到廣州出版《山海與地圖》,箇係頭回有人到中國介紹「地圓說」。住嘚南昌之後,佢接得傳播佢嗰地理知識。1595年年督,佢送嘍本歐式訂制、日本紙印刷嗰天文地理書到建安王,裡頭就夾得好幾幅世界地圖、九幅天體軌道圖,同時附帶中文嗰解釋。箇係明末嗰時間中國裝訂嗰頭本西式書籍。 居昌期間,利瑪竇前後繪製三到世界地圖,期間都解決嘍南昌、北京嗰緯度問題。利瑪竇嗰1584年版嗰《山海與地圖》裡頭北京係冇有緯度嗰。利瑪竇到南昌嗰許年,佢就算得南昌嗰緯度係29°,到南昌繪製嗰地圖裡頭開始標明北京嗰緯度係40°,箇都係蠻精確嗰科學數據嘍。

    數學

    利瑪竇住嘚南昌嗰時間,佢話自簡要賣命親近前來拜訪佢嗰當地居民嗰,故係佢有時間會回答佢俚滴子數學問題,箇也讓來嗰人覺得非常滿意。佢到利瑪竇裡頭話:「一徑到今下每日都有相當多嗰人來看我,……佢俚歡喜聽我話數學之類嗰知識,特別係白鹿洞書院嗰學者。」

    交友論

    1595年,利瑪竇應得建安王嗰邀請,搦利瑪竇細大哩學過嗰歐洲名言整理做一本回憶集,箇就係有名嗰《交友論》(起頭係叫《右道》),南昌名士馮應京特試幫佢寫正序言。箇係利瑪竇頭回寫中文嗰書,佢末後搦箇本書獻得建安王。但《交友論》一下就拕傳開嘍,𠵹利瑪竇就讓佢俚隨意抄寫,自簡也謄抄過幾份,供人家索要。利瑪竇嗰一封寄到歐洲嗰信裡頭話:箇本書「幫我同嘚歐洲人都贏得蠻多面子,佢嗰影響甚至大過我做嗰別嗰事。……書裡頭介紹修養、智慧、文學,故係好多人都非常歡喜箇本書。」利瑪竇、金尼閣也話《交友論》「到今下都拕人讚悅,讀過嗰人也互相推薦。佢係搦歐洲、中國嗰兩種文字寫嗰,箇讓佢更假受作興。佢冇付印一下子,贛州嗰一隻知縣就搦佢嗰中文版重印,故係箇本書得流傳於中國各地,包到北京、浙江。佢堪垃哩都拕讚賞,一滴子權威作家都到佢俚嗰著述裡頭引用。……箇係利瑪竇神父寫嗰頭本中文著作。」

    西國記法

    有一回宴會嗰時間,利瑪竇讓一隻文人到紙上隨意寫滴子冇關聯嗰字(或一本四五百字嗰詩集)。末讀過一到後,仰上一字不漏嗰背得出來,末後哈倒背一到。箇就係利瑪竇展示嗰佢嗰「西洋記法」。 佢嗰超人記憶力吸引得好多人來佢屋裡。早以嗰時間,記得正大篇嗰文字就係科舉嗰保障。利瑪竇到一封信裡頭話:「秀才日日來,更假有重要人物求我教佢俚箇隻學問,話要拜我為師,做拜師禮,搦師禮金。」但因為住房、助手箇滴子問題,利瑪竇表示謝絕。江西巡撫陸萬垓都親自詢問利瑪竇,啷得記住許多東西,也請佢搦記憶方法寫成中文,準備搦還屋裡教崽女。故係利瑪竇寫正《西國記法》箇本書,佢到1596年6月28號送到陸萬垓。

    天主實義

    《天主實義》,或《天學實義》係利瑪竇到南昌完成嗰另一本書。佢嗰原版係公元1581年,羅明堅寫嗰拉丁文版《新編西竺國天主實錄》。公元1584年,利瑪竇對佢嗰部份譯文進行潤色、刪動,到廣東肇慶出版。公元1596年,利瑪竇到南昌搦《天主實錄》修訂過,擴編做《天主實意義》。佢叫西方宗教裡頭嗰「天主」做「上帝」,箇係來自中國嗰歷代古書,像《商頌》嗰「上帝是禱」、《周頌》嗰「上帝是皇」、《禮記》嗰「以事上帝」、《中庸》嗰「郊社之禮,所以事上帝」。利瑪竇哈一道哩批評佛、道兩家嗰學說,書裡頭嗰第七編「用天文地理之事」就批判佛教嗰「日輪夜藏須彌山之背」、「天下有四大部州。皆浮海中,半見半浸」、「阿函以左右手掩日月,為日月之蝕」等話法。佢嗰箇滴子行為拕認為係同佢嗰許回「鐵柱宮風波」有關聯。

    利瑪竇,《利瑪竇書信集》,羅漁(譯),台北,光啟書社,1986年
    利瑪竇、金尼閣,《利瑪竇中國札記》,何高濟、王遵仲、李申(譯),北京,中華書局,1983年
    吳孟雪,《利瑪竇在南昌的文化活動及影響》,《江西社會科學》,1992年
    李未醉、李魁海,《略論利瑪竇在南昌的傳教活動》,《忻州師範學院學報》,2004年
  7. 鄉試 - 維基百科

    gan.wikipedia.org/wiki/鄉試
    • 內容
    • 過程
    • 示例

    鄉試攏共考三場,每場考三日。考生以「八股文」(破題、承題、起講、領講、提比、中比、束比、大結)嗰固定結構答題。 1. 第一場:八月九號舉行,考四書義(《論語》、《孟子》、《大學》、《中庸》)三道題,同嘚五經義(《周易》、《尚書》、《詩經》、《周禮》、《春秋》)四道題。 2. 第二場:八月十二號舉行,考論一道、判五條、詔誥表內科一道,代古人立言。 3. 第三場:八月十五號舉行,考經史時務第五道。

    江西布政使司係主持鄉試嗰最高長官,試卷也係歸佢負責印嗰。鄉試嗰正、副主考官一般都係進士出身,另外也會有四隻考官陪同監考。 考試期間,考生要清時蠻早就入闈,編號入室。要係斷夜都冇答完卷,考官會發三根蠟燭。箇時間需要嗰寫嗰筆紙、喫嗰食物都由考官派送。 考試一開始,考生要到卷首寫正佢自簡同嘚佢三代人嗰姓名、籍貫、年甲,跟佢揀嗰本經。考生搦墨筆答卷,末後由謄錄官搦硃筆抄錄,只寫考生編號,交考官批閱。每卷嗰收卷、彌封、謄錄、對讀、受卷等程序都有專人到邊上眏到。

    江西鄉試(1627年)嗰相關檔案: 1. 官員 1.1. 主考官:倪元璐(翰林院編修) 1.2. 監臨官:巡按江西監察御史 1.3. 提調官:江西左布政使同嘚右參議 1.4. 監考官:江西按察司副使 1.5. 同考官:十三府嗰推官同嘚縣令 1.6. 別嗰官員:印卷官、收掌官、試卷官、彌封官、受卷官 1. 考題 1.1. 第一場(《五經》裡頭任選一經,答全四題,要寫300字以上嗰八股文) 1.1.1. 四書義 1.1.1.1. 臨之以庄則敬,孝慈則忠,舉善而教不能則勸 1.1.1.2. 從容中道聖人也 1.1.1.3. 皜皜乎不可尚已 1.1.2. 五經義 1.1.2.1. 《易》 1.1.2.1.1. 在師中吉承天寵也 1.1.2.1.2. 益動而巽,日進無疆 1.1.2.1.3. 知以藏往 1.1.2.1.4. 為君為父為玉為金 1.1.2.2. 《書》 1.1.2.2.1. 以昭受上帝,天其申命用休 1.1.2.2.2. 監於先王成憲 1.1.2.2.3. 用敷錫厥庶民 1.1.2.2.4. 率惟謀從容德 1.1.2.3. 《詩》 1.1.2.3.1. 八月在宇 1.1.2.3.2. 君子攸躋 1.1.2.3.3. 惠于朋友,庶民小子,子孫繩繩 1.1.2.3.4. 有虔秉鉞 1.1.2.4. 《春秋》 1.1.2.4.1. 秋九月齊侯宋公江人黃人盟於貫(僖公二年) 1.1.2.4.2. 秋齊侯使宋公江人黃人會於陽谷(僖公三年) 1.1.2.4.3. 春王正月公會齊(僖公四年) 1.1.2.4.4. 冬楚子使椒來聘(文公九年) 1.1.2.5. 《禮記》 1.1.2.5.1. 庶民安,故財用足 1.1.2.5.2. 動已,而天地應焉 1.1.2.5.3. 明足以見之仁,足以與之 1.1.2.5.4. 清明在躬 1.2. 第二場(作文) 1.2.1. 聖人博聞多見,蓄德以待物 1.2.2. 詔誥表(內科一道):「擬漢問郡國所舉賢良文學,民所苦教化之要」(始元元年) 1.2.3. 擬唐以馬周為監察御史誥(貞觀六年) 1.2.4. 擬上命儒臣纂修《五經四書性理大全》,書成,學士胡廣等恭呈御覽進表(永樂十三年) 1.3. 第三場(經史時務策論)

  8. 談詑:張道陵 - 維基百科

    gan.wikipedia.org/wiki/談詑:張道陵

    箇頁頂晏嗰改動係:2009年5月11日 (禮拜一) 17:25。 箇首嗰所有文字係揸得Creative Commons Attribution-ShareAlike 牌照嗰條款發佈;可能會有附加嗰條款。 望吖使用條款嗰細節。 隱私權政策 關於 維基百科 免責聲明 手機版檢視 開發人員 統計 Cookie 聲明

  9. 韓國嗰國寶 - 維基百科

    gan.wikipedia.org/wiki/韓國嗰國寶

    韓國嗰國寶係話大韓民國嗰文化財保護法所指定要保護到嗰文化財產,故係哈有「國寶」嗰話法。 1962年起文化財保護法開始制定,1962年12月20號攏共116點嗰文化財產拕指定為國寶。咁之後哈新加嘍別嗰文化財產嗰追加指定,到2007年12月8號、攏共308點國寶拕指定。

  10. 冕服 - 維基百科

    gan.wikipedia.org/wiki/冕服
    • 構造組件
    • 製衣流程
    • 形成演變
    • 等級差異
    • 文化意蘊
    • 國外影響
    • 參考書目
    • 外部鏈接

    冕服係搦玄、纁色繒做嗰,祭服嗰做法係染絲起,接得織造繒。九職之嬪府會加工正絲,舞正嗰「素絲」拕擺嘚「典絲」許首。經過巾荒氏嗰練絲,素絲拕搦得染人上色,佢俚一般揀熱天嗰時間利用草類染料染色,話係丹秫染液嗰效果上佳。等得冷天,絲拕搦還典絲,內外工接過素絲或彩絲開始織造冕服嗰布匹。質量上乘嗰玄纁繒經「典婦功」嗰手,拕搦得縫人,佢俚做正衣裳後再搦還典婦功。末後畫繢嗰畫工、繡工接手,嘚衣裳上繪製五色嗰十二文章。做正嗰冕服成衣拕弆嘚內府,司服會依得場合決定皇帝著衣嗰規格,佢搦冕服交把女御,由女御奉承天子。

    三代

    中國嗰衣飾史歷史非常長遠。《易經》話「黃帝堯舜,垂衣裳而天下治,蓋取諸乾坤。」「黃帝始去皮衣,為上衣以象天,為下裳以象地。」箇下尋到嗰實物也證明許時間嗰華夏人具備做衣嗰能力,好似河南滎陽尋到哩5500年前嗰麻布同得淡絳色羅、紗、紈等帶色帶花嗰實物。等得夏禹,《論語》話佢「惡衣服,而致美乎黻冕」,即大禹不計算自簡嗰衣裳而著重公家嗰服制。商朝係有確切文字記載嗰朝代。《尚書》話「伊尹以冕服奉嗣王歸於亳」,等同證明冕服嗰確實存在。甲骨文裡頭也拕發現有「冕」字,係殷王嗰自稱。 周朝係冕服正式確立嗰時代,後世話「尊古禮」都係意圖去還周朝嗰典章制度。《周禮·司服》搦冕服分做六款(大裘冕、袞冕、鷩冕、毳冕、絺冕、玄冕),故係叫「六冕」。著得正冕服嗰有天子、公、侯、伯、子、男、孤、卿、大夫。各級人員嘚重大祭祀場合,好似祭拜先王、宗廟嗰時間,得著自簡所屬級別嗰最高級別嗰冕服。

    秦漢

    「自秦滅棄禮法,先王之制靡敝不存,漢初猶服袀玄以從大祀。歷代雖漸復古,終亦不純也。」周朝嗰禮制經過春秋戰國嗰禮崩樂壞、秦朝嗰尊法抑儒,幾乎冇盈幾多哩。秦始皇廢吥六冕之制,光著玄衣紺裳,「一具而已」。玄色係緅色、緇色之間通過六染得到嗰赤黑色,紺色係帶麻麻子紅嗰烏色,佢俚象徵得天,係古人最推崇嗰色氣。 漢朝建立後,復古思想回潮。高祖劉邦即位後冇下子就頒佈《天子所服第八》,「令群臣議天子所服,以安治天下」。賈誼也話「奇服文章,以等上下而差貴賤」。公元59年,漢明帝確立漢朝全面嗰冕冠制度。「天子、三公、九卿、特進侯、侍祠侯,祀天地明堂,皆冠旒冕,衣裳玄上纁下。乘輿備文,日月星辰十二章,三公、諸侯用山龍九章,九卿以下用華蟲七章,皆備五采,大佩,赤舄絇履,以承大祭。」即箇時間嗰完套冕服含得冕冠、玄衣纁裳、赤舄絢履、佩玉、佩刀佩雙印、綬等內容。

    唐宋

    唐朝恢復過周朝嗰六冕制度,皇帝嗰服制規格甚至拕舞得更繁複,《舊唐書》記載「天子衣服,有大裘之冕、袞冕、鷩冕、毳冕、繡冕、玄冕、通天冠、武弁、黑介幘、白紗帽、平巾幘、白帢,凡十二等。」《新唐書》哈添至十四等。至於禮冠方面,唐朝皇帝一了哩戴通天冠,大祭司嗰時間才戴冕冠。 經過五代嗰亂世,宋朝力圖復還正統禮制,規定「大裘冕無旒,廣八寸,長一尺六寸,前圜後方,前低寸二分,玄表朱裏,以繒為之。玉笄以朱組為紘,玉瑱以玄紞垂之。為裘以黑羔皮,領袖以黑繒,纁裳朱紘而無章飾。佩白玉,玄組綬。革帶,博二寸,玉鉤,以佩紘屬之。素帶,朱裏,絳純其外,上朱下綠。白紗中單,皂領,青褾、襈、裾。朱襪,赤舄,黑絇、繶、純。」末後冕服變得更假華麗,「王洙奏:『天子法服,冕旒形度重大,華飾稍繁,願集禮官參定。』詔禮院詳典禮上聞,而禮院繪圖以進。因敕禦藥院更造,其後,冕服稍增侈如故。」宋朝對冕服嗰爭論故係有時間得持續幾十年不斷。

    冕服會依得不同嗰場合有不共樣嗰等級差異,主要體現嘚冕冠上「旒」數量、長度,衣裳上嗰「章紋」嗰種類、隻數等內容。箇就搦冕服分做六級: 1. 大裘冕:王祀昊天上帝所用,配十二旒冕冠,大裘、玄衣纁裳。上衣繪日、月、星辰、山、龍、華蟲六章紋,下裳綉藻、火、粉米、宗彝、黼、黻六章紋,統共十二章,故係叫「十二章服」。 2. 袞冕:王之吉服,配九旒冕冠,玄衣纁裳,衣繪龍、山、華蟲、火、宗彝五章紋,裳綉藻、粉米、黼、黻四章紋,統共九章。 3. 鷩冕:王祭先公、饗射所用,配七旒冕冠、玄衣纁裳,衣繪華蟲、火、宗彝三章紋,裳綉藻、粉米、黼、黻四章紋,統共七章。 4. 毳冕:王祀四望山川所用,配五旒冕冠、玄衣纁裳,衣繪宗彝、藻、粉米三章紋,裳綉黼、黻二章紋,統共五章。 5. 絺冕:王祭社稷、先王所用,配四旒冕冠、玄衣纁裳,衣綉粉米一章紋,裳綉黼、黻二章紋。 6. 玄冕:王祭群小即祀林澤墳衍四方百物時所用,配三旒冕冠、玄衣纁裳,衣無章紋,裳綉黻一章紋。 《周禮·春官·司服》話明不同等級嗰用處:「王之吉服:祀昊天上帝,則服大裘而冕;祀五帝亦如之;享先王則袞冕;享先公饗射則鷩冕;祀四望山川則毳冕;祭社稷五祀則希冕;祭小祀則玄冕。」不同等級嗰人也有級別嗰限制:「公之服,自袞冕而下如王之服;侯伯之服,自鷩冕而下如公之服;子男之服,自毳冕而下如侯伯之服;孤之服,自希冕而下如子男之服;卿大夫之服,自玄冕而下如孤之服。」

    冕服制度嗰奠定係華夏人中央集權社會嗰象徵。各自利益集團形成差別等級、階層,承認自簡所屬嗰價值地位。天子通過箇隻等級秩序統治四方,佢嗰服飾搦佢同得別嗰社會人群區分開,係下底人不得僭越嗰規章。冕服係王公貴胄嗰專有服飾,不同等級嗰貴族又拕配以不共樣嗰冕服,皇帝也揸得出席場合嗰不同穿著相配嗰冕服。故係《後漢書》話:

    中國嗰皇帝早以會贈與冕服把外藩國王,為得顯示係真龍天子,得統帥四方。好似朝鮮古書《高麗史》等史籍裡頭,記載得1065年到1370年之間,高麗國王、世子獲賜好幾到遼國嗰冕服。李氏朝鮮嗰時間,朝鮮嗰冕服等級拕明朝確立為國王著九章冕服,即:「上衣青色,裝飾五章,龍在兩肩,山在背部,火、華蟲和宗彜在兩袖,此三章每袖自上而下各三;下裳纁色,裝飾四章,藻、粉米、黼、黻,每章各二」,另有大帶、蔽膝、佩、綬等配件;王世子著七章冕服。20世紀初年朝鮮自立稱帝,故係改做最高等級嗰十二章冕服。 日本拕唐朝嗰影響至深,早到701年嗰時間,文武天皇就發布大寶律令,規定天皇嘚正式場合得採用十二章冕服嗰「袞龍御衣」。732年,冕服拕正式指定做皇帝至高禮服,佢嗰上衣含得日、月、七星、山、火、龍、華蟲八隻模樣,下裳含得藻、粉米、斧、黻四隻模樣。 越南嗰阮朝時間,脫離中國影響建立帝國,皇帝嗰禮服體制也跟得改做至高級別嗰冕服。

    《中國歷代帝王冕服研究》,崔圭順,東華大學出版社,2007年,ISBN 978-7-81111-296-2
    《冕服服章之研究》,王宇清,國立歷史博物館,1966年
  11. 其他人也搜尋了